لو بتعمل محتوى وعايز تصوّر نفسك بشكل احترافي بالموبايل اللي في إيدك — الكورس ده هيمشّيك خطوة بخطوة من الكادر للإضاءة للصوت لحد المونتاج النهائي.
تفاصيل الكورس:
• 19 فيديو (شامل قسم المونتاج)
• مدة الكورس حوالي ساعتين ونص
• مسجّل أونلاين — تتفرج عليه في أي وقت يناسبك، ومن غير حد زمني
هتتعلم:
• تظبّط الكادر وزاوية الموبايل عشان تطلع مريحة للعين
• توظّف الإضاءة اللي عندك وتطلع بالشكل اللي إنت عايزه
• تحسّن جودة الصوت باستخدام الأدوات المتاحة
• تعمل مونتاج كامل على تطبيق VN لحد ما الفيديو يبقى جاهز (قص، جرافيكس، مزيكا، ساوند إيفيكت، transitions)
الكورس ده ليك لو:
بتبدأ تعمل محتوى بس شكل الفيديو لسه مش عاجبك، وعايز تطلع نتيجة احترافية من غير معدات غالية.
هيوصلك إزاي:
بعد ما تكمل الطلب، هتلاقي زرار واتساب — ابعت لنا صورة تأكيد الدفع وهنفعّل لك الكورس على حسابك على الموقع. تقدر بعدها تدخل عليه في أي وقت من My Courses
Omneya (verified owner) –
انا خلصت الكورس يا ريما وبجد خطير ومفيد ومعمول باتقان واحسان..انا كمان بدأت اتفرج عليه مرة تانية ولقيت ان فيه استفادة اكبر وحاجات ثبتت في دماغي اكتر .. فكرته تحفة وهيفضل reference ليا على طول .. ومبسوطة ان في اي وقت ببعتلك وبتردي وبتساعدي من قلبك مدة شكرااااااا
Rasha Al Rahwanji (verified owner) –
الكورس مفيد جدا. انا كصانعة محتوى الكورس ساعدني اني افهم ازاي استخدم الأدوات اللي عندي سواء كاميرا او إضاءة ب اني اطلع صورة حلوة، بدون تعقيدات او معدات احترافية. ومش بس مركز على التصوير وكمان اليديتينج، لحد ما يكون الفيديو جاهز بشكله الأخير.
أسلوب ريما أكتر من رائع، مختصر ومفيد بدون رغي مالوش داعي، قدرت توصل المعلومة بمنتهى السلاسة. شكرا 🤍
Noha Elkotb (verified owner) –
الكورس مفيد جداً جداً و ريما طريقتها في تبسيط المعلومة خطيرة،
و فكرة انه فيديوهات صغيرة و الفيديو بيغطي فكرة او اتنين بيسهل جداً التركيز و فهم الفكرة،
و احلى حاجة التركيز على برنامج واحد للedit و فعلاً البرنامج سهل و في نفس الوقت بيعمل كل اللي الواحد ممكن يعوزه،
و بردو من الحاجات الحلوة قوي ان ريما وضحت ان ممكن بالاضاءات المتاحة عند كل واحد يطلع حاجة حلوة مش لازم نشتري حاجات غالية عشان نطلع فيديو و صور حلوة.
❤️❤️
شكراً يا ريما
Mariam Fawzy (verified owner) –
الكورس فعلا حلو اوى
اسلوبه سهل و فيه معلومات مفيدة
احسن حاجة انه بدأ من الأساسيات و ريما طريقتها حلوة فى الشرح
و بتبسط المعلومة
كمان ريما بترد على اى استفسار فى كل الأوقات
شكرا ليكى يا ريما❤️😍
Farha Tantawy (verified owner) –
الكورس رااائع و ريما طريقتها في الشرح هااايله و معلوماتها مفيده جدااا
و الفيديوهات لذيذة ومبسطه و احلى حاجه انها صغيرة فبتلاقي المعلومات بتوصل مباشرتا و بخلص الكورس بسرعة من غير ما اتوه يعنى ريما بتدي فعلا المختصر المفيد فى كبسولة سريعه
و احلى حاجه عجبتني انها بتسهل استخدام الإمكانيات المتاحة حوالينا فى البيت بشكل محترف من غير مانحتاج نشتري حاجات كتير مكلفه
شكرا ريما جداااا ❤️❤️❤️
و اتمني يكون فيه كورس كمان للمستوى المحترف فى ال editing
😍 متاكده حيكون هايل
Nouran barghash (verified owner) –
الكورس جميل اوي و مريح و ريما طريقتها جميلها و هاديه تحس بالراحه كده وانت بتتفرج عليها ده غير ان الفيديوهات صغيره فقدرت اقسمها علي كذا يوم حسب وقتي وممكن ارجعلها تاني في الجزء الانا عايزه اعيده اي وقت .
و جزء ال editing حلو اوي و فيه تفاصيل كتير.
شكراً جداً ليكي❤️
Lubna Zeitoun (verified owner) –
مرسي جدا ريما عالكورس ، اجمل حاجة انه بسيط و مفيد جزء التصوير اتكلم عن الأساسيات بشكل سهل و واضح جدا ، جزء الايديت اتكلم عن تفاصيل التفاصيل
تسلمي ربنا يوفقك 🙏🏻🫶🏻